Франция кубогининг ярим финал босқичидаги иккинчи ўйин бўлиб ўтди. «Сент-Этьен» ўз уйида «Ренн»ни қабул қилиб, иродали ғалабани қўлга киритди.

Меҳмонлар 33-дақиқада пенальтидан ҳисобни очишган бўлса, орадан 10-дақиқа ўтиб майдон эгалари мувозанатни тиклашди.

Иккинчи бўлимга қўшиб берилган 4-дақиқада эса «Сент-Этьен» ғалаба тўпини киритишга муваффақ бўлди.

Бу жамоа сўнгги марта 1982 йилда финалда ўйнаган эди. «Сент-Этьен» ўз тарихида 6 марта Кубокни қўлга киритган бўлса, 3 марта финалда ютқазган.

«Пари Сен-Жермен» эса 12 карра Франция кубоги соҳиби ҳисобланади. Парижликлар финалда 4 бора имкониятни бой беришган.

Бу галги финал 25 апрель куни Париждаги «Стад де Франс» стадионида ўтказилади.

Франция кубоги, ярим финал
Сент-Этьен – Ренн 2:1 (1:1, 1:0)
Голлар: 0:1 – 33, пенальти Ньянг, 1:1 – 43 Колодзейчак, 2:1 – 90+4 Будебуз.
Сент-Этьен – Мулен, Салиба, Фофана, Колодзейчак, Дебюши, Камара, Мвила (Будебуз, 83), Буанга, Кабай (Диуссе, 39), Онора, Дьони (Аби, 74).
Ренн – Менди, Да Сильва, Траоре, Ньяньон, Мауасса, Камавинга (Леа Силики, 68), Буриго, Рафинья, Нзонзи, Дель Кастийо (Гбоо, 76), Ньянг (Юну, 83).
Огоҳлантиришлар: Камавинга (19), Траоре (28), Дель Кастийо (56), Камара (68).