Fransiya kubogining yarim final bosqichidagi ikkinchi o‘yin bo‘lib o‘tdi. «Sent-Etyen» o‘z uyida «Renn»ni qabul qilib, irodali g‘alabani qo‘lga kiritdi.

Mehmonlar 33-daqiqada penaltidan hisobni ochishgan bo‘lsa, oradan 10-daqiqa o‘tib maydon egalari muvozanatni tiklashdi.

Ikkinchi bo‘limga qo‘shib berilgan 4-daqiqada esa «Sent-Etyen» g‘alaba to‘pini kiritishga muvaffaq bo‘ldi.

Bu jamoa so‘nggi marta 1982 yilda finalda o‘ynagan edi. «Sent-Etyen» o‘z tarixida 6 marta Kubokni qo‘lga kiritgan bo‘lsa, 3 marta finalda yutqazgan.

«Pari Sen-Jermen» esa 12 karra Fransiya kubogi sohibi hisoblanadi. Parijliklar finalda 4 bora imkoniyatni boy berishgan.

Bu galgi final 25 aprel kuni Parijdagi «Stad de Frans» stadionida o‘tkaziladi.

Fransiya kubogi, yarim final
Sent-Etyen – Renn 2:1 (1:1, 1:0)
Gollar: 0:1 – 33, penalti Nyang, 1:1 – 43 Kolodzeychak, 2:1 – 90+4 Budebuz.
Sent-Etyen – Mulen, Saliba, Fofana, Kolodzeychak, Debyushi, Kamara, Mvila (Budebuz, 83), Buanga, Kabay (Diusse, 39), Onora, Dyoni (Abi, 74).
Renn – Mendi, Da Silva, Traore, Nyanyon, Mauassa, Kamavinga (Lea Siliki, 68), Burigo, Rafinya, Nzonzi, Del Kastiyo (Gboo, 76), Nyang (Yunu, 83).
Ogohlantirishlar: Kamavinga (19), Traore (28), Del Kastiyo (56), Kamara (68).