Италия чемпионатининг 26-туридан ўрин олган, аммо кейинроққа қолдирилган 3та ўйин бўлиб ўтди. «Милан» ўз уйида «Женоа»ни қабул қилиб, имкониятни бой берди.

Меҳмонлар биринчи таймда иккита гол уришга муваффақ бўлди. Баҳс бошида Пандев, бўлим сўнгида эса Кассата "россонери" дарвозасини ишғол қилишди.

Ўйин тугашига 13 дақиқа қолганида эса Ибраҳимович битта жавоб тўпини киритди. Аммо ҳеч бўлмаса ҳисобни тенглаштириш учун "Милан"га вақт етмади.

Миланликлар ушбу мағлубият туфайли 7-ўринда қолди. Пиоли жамоаси ЕЧЛга йўлланма берадиган 4-поғонадан 12 очко ортда қолмоқда. Женоа эса ўз очколарини 25тага етказиб, хавфли ҳудуддан бироз узоқлашди.

Италия А серияси, 26-тур
Парма – СПАЛ 0:1 (0:0, 0:1)
Гол: 0:1 – 71, пенальти Петанья.
Парма – Коломби, Якопони, Гальоло, Дармиан (Силигарди, 88), Бруну Алвеш, Грасси, Куртич, Кулусевски (Карамо, 82), Бругман (Капрари, 73), Жервиньо, Корнелиус.
СПАЛ – Бериша, Викари, Бонифаци, Чонек, Реца (Фелипе, 34), Фарес (Сала, 62), Мурджа (Тунев, 90), Миссироли, Вальдифьори, Валоти, Петанья.
Огоҳлантиришлар: Фелипе (39), Бругман (62), Гальоло (90).

Сампдория – Верона 2:1 (0:1, 2:0)
Голлар: 0:1 – 32, автогол Аудеро, 1:1 – 77 Куальярелла, 2:1 – 86, пенальти Куальярелла.
Сампдория – Аудеро, Тонелли, Берешиньски, Йосида, Депаоли, Роналду Виейра (Линетти, 61), Экдаль, Янкто, Ауджелло, Габбьядини (Бонаццоли, 61), Куальярелла (Торсбю, 90).
Верона – Сильвестри, Давидович, Гюнтер, Раҳмоний, Ажапонг, Пессина, Лазович, Дзакканьи, Амрабат (Сальседо, 87), Верре (Агеманг-Баду, 72), Ди Кармине (Паццини, 80).
Огоҳлантиришлар: Роналду Виейра (39), Ди Кармине (47), Тонелли (70), Агеманг-Баду (76), Янкто (79), Давидович (85), Линетти (90).

Милан – Женоа 1:2 (0:2, 1:0)
Голлар: 0:1 – 7 Пандев, 0:2 – 41 Кассата, 1:2 – 77 Ибраҳимович.
Милан – Бегович, Романьоли, Тео, Конти (Калабрия, 90), Габбия, Чалханоглу (Бонавентура, 56), Кастильехо, Кессиэ, Беннасер, Ибраҳимович, Ребич (Рафаэл Леау, 57).
Женоа – Перин, Кришито, Сумаоро, Бираски, Ромеро, Кассата, Бехрами (Ягелло, 63), Шене (Стураро, 57), Масьелло, Санабрия, Пандев (Пинамонти, 79).