«Манчестер Сити» бош мураббийи Пеп Гвардиола АПЛнинг 29-тури доирасида бўлиб ўтган «Манчестер Юнайтед»га қарши ўйин (0:2) борасида ўз фикрини билдириб ўтди.

«Биз яхши ўйин намойиш қилдик. Бизга ҳужумни якунлашда бироз аниқлик етишмади. Иккинчи бўлимда бу борада биз яхшироқ кўриндик. Биз муносиб ўйнадик.

Биз прессинг қилдик, яхши ҳимояландик ва ҳужумда ҳам яхши ҳаракат қилдик. Рақиб эса хато қилишимизни кутди ва олдинги чизиқдаги Жеймс ва Марсиалга узун узатмалар берди.

Биз ўз ўйинимизни намойиш қилдик, аммо, афсуски, гол ўтказиб юбордик. Рақиб шунчаки бизнинг хатоларимизни кутди.

Эдерсоннинг хатоси? У бизни бир-икки вазиятда қутқарди. У яхши дарвозабон. Мен ўз ўйинчиларимни танқид қилмоқчи эмас. Хатолар — ўйиннинг бир қисми», – деди Гвардиола.