Россия чемпионатининг 21-тури доирасида «Зенит» ўз уйида «Уфа»ни қабул қилди. Мавсум пешқадами майдонида ўйнаганига қарамай, уфалик Санкт-Петербургдан очко олиб кетишга муваффақ бўлишди. Учрашувда ҳисоб очилмади.

Ўзбекистонлик ярим ҳимоячи Остон Ўрунов ўйинни "Уфа" асосий таркибида бошлади. Баҳснинг 42-дақиқасида жамоадошининг узатмасидан кейин ҳамюртимиз 19 метрлардан кучли зарба йўллади. Тўп шундоққина тўсин устидан ўтиб кетди.

Баҳснинг 72-дақиқасида эса Остоннинг ўрнига Оливье Тилль туширилди.

Ушбу дуранг туфайли "Уфа"нинг очколари 26тага етди ва жамоа 8-поғонани эгаллаб турибди.

Россия премьер-лигаси, 21-тур
Зенит – Уфа 0:0 (0:0, 0:0)
Зенит – Лунев, Дуглас Сантос (Дриусси, 67), Ракицкий, Караваев, Жирков, Ригони (Азмун, 46), Барриос, Малком, Оздоев (Ерохин, 77), Осорио, Дзюба.
Уфа – Беленов, Йокич, Неделчару, Пуцко, Табидзе, Остон Ўрунов (Тилль, 72; Вомбергар, 90), Голубев, Фомин, Алиев, Карп, Бизяк (Кротов, 65).
Огоҳлантиришлар: Пуцко (29), Бизяк (45), Ракицкий (50), Йокич (52), Барриос (77).