Миржалол Қосимов ва Вадим Абрамов қарама-қаршилигида жуда катта устунлик АГМК бош мураббийи — Қосимов тарафида.
Суперлига 3-тур доирасидаги АГМК — «Бунёдкор» учрашуви ҳар иккала мураббийлар, яъни Вадим Абрамов ҳамда Миржалол Қосимов учун ўзаро 8-тўқнашувга айланади.
Бунга қадар ушбу мутахассислар Ўзбекистон чемпионати, Ўзбекистон Кубоги, Суперкубок ҳамда Лига Кубоги доирасидаги баҳсларда беллашишган. Мазкур қарама-қаршиликда яққол устунлик олмалиқликлар устози Миржалол Қосимов тарафида.
Миржалол Қосимов Вадим Абрамов бошқарган “Локомотив”, “Нефтчи” ҳамда “Бунёдкор” жамоаларини барча мусобақаларда жами 6 маротаба мағлуб этишни уддалаган. Вадим Абрамов эса фақатгина бир маротаба ғалаба қозонган.
