Эртага Ўзбекистон чемпионатининг 3-тур ўйинлари старт олади.
«Бунёдкор» 3-турда АГМКга қарши майдонга чиқади. Эртага мазкур жамоаларнинг биринчи қарама-қаршилигига дуч келамиз. Одатдагидек, ўзаро ҳисоб-китобни U-18 жамоалари бошлаб беради. Ўйин эртага, 11 март куни ОКМК спорт мажмуасининг сунъий қопламали майдонида бўлиб ўтади. Учрашув соат 14:30да бошланади.
12 март, пайшанба куни U-21 ёшлар жамоалари майдонга чиқади. Мазкур беллашув АГМКнинг собиқ майдони, «Металлург» ўйингоҳида ўтказилади. Мазкур беллашув соат 15:30да старт олади.
Жума, 13 март куни АГМК ва «Бунёдкор»нинг асосий жамоалари ўзаро учрашувларга нуқта қўйиб беради. Ушбу ўйин ОКМК спорт мажмуасида бўлиб ўтади. Баҳс соат 18:15да бошланади. Барча беллашувларда «Бунёдкор» футболчилари тўлиқ кўк, АГМК ўйинчилари тўлиқ оқ рангли либосларда ҳаракат қилади.
U-18 Биринчилиги
АГМК - «БУНЁДКОР»
11 март. Олмалиқ. ОКМК спорт мажмуаси сунъий қопламали майдони. 14:30
U-21 Биринчилиги
АГМК - «БУНЁДКОР»
12 март. Олмалиқ. «Металлург» ўйингоҳи. 15:30
СУПЕРЛИГА
АГМК - «БУНЁДКОР»
13 март. Олмалиқ. ОКМК спорт мажмуаси. 18:15
Бош ҳакам: Вадим Агишев.
Қанот ҳакамлари: Абдуҳамидилло Расулов, Олим Абдувосилов.
Захирадаги ҳакам: Ҳусан Музаффаров.
Назоратчи: Сайфиддин Эрматов.
Комиссар: Диёр Имомхўжаев.
