11 март, чоршанба куни, яъни бугун тунда ЕЧЛ 1/8 финали доирасида "Ливерпуль" "Атлетико"ни қабул қилади (биринчи ўйин 1:0 ҳисобида "Атлетико" фойдасига ҳал бўлган).
"Энфильд"даги ўйинга томошабинлар киритилади, буни испан клуби матбуот хизмати тасдиқлади. Аммо Мадрид клуби мухлисларига учрашувга бормасликни тавсия қилди.
Шу билан бирга, ҳокимият вакилларининг шошилинч сабабсиз Испанияни тарк этмаслик кераклиги борасидаги тавсияси эсга олиниб, ўйинга боришни истамаганларга чипта пули қайтарилиши таъкидланди. Мазкур ҳолат коронавирус хавфи билан боғлиқ.
