Франция лига кубоги доирасида «ПСЖ» ва «Лион» жамоалари ўртасидаги финал ўйини коронавирус туфайли бошқа муддатга қолдирилди. Бу ҳақда Le Parisien хабар тарқатди.

Манбага кўра, Франция профессионал футбол лигаси дастлаб ўйинни мухлисларсиз ўтказиш вариантини таклиф қилди. Аммо аслида 4 апрель куни бўлиб ўтиши керак бўлган учрашувни жамоалар ишқибозларсиз ўтказишни исташмади. Шу боис, финал учрашуви кейинроққа қолдирилди.

"ПСЖ" финалгача бўлган йўлда "Ле-Ман" (4:1), "Сент-Этьен" (6:1) ва "Реймс" (3:0)ни мағлуб этди.

"Лион" эса "Тулуза" (4:1), "Брест" (3:1) ва "Лилль" (2:2, пенальтилар бўйича - 4:3)ни мусобақадан чиқариб юборди.