Испания Ла лигаси ва Сегунда тўхтатиб қўйилиши мумкин, агар Испания соғлиқни сақлаш вазирлиги ва ҳукумат шундай қарорга келса.
"Cadena SER" тарқатган хабарга кўра, Испания футбол федерацияси мусобақаларни тўхтатиб қўйишга мойиллик билдирмоқда. Ташкилот бугун Ла лига раҳбарияти ва Испания футболчилар ассоциацияси вакиллари билан учрашиб, ушбу масалани муҳокама қилади.
Ла лига ва Сегунданинг баъзи клублари ва баъзи ўйинчилар навбатдаги 2та турни мухлисларсиз ўтказгандан кўра, уларни бошқа муддатда мухлислар билан ўтказиш ғоясини илгари суришди.
Испанияда коронавирусга чалинганлар сони икки мингдан ошиб кетди.