Юрген Клопп "Ливерпуль" мураббий бўлгач, еврокубокларда илк бор "Энфилд"да мағлуб бўлди. 15 ўйинли серия якунига етди. Охирги марта у 2014/15 йили "Боруссия Д"да ишлаган пайтида, унинг жамоаси уй учрашувида енгилган эди (0:3, "Ювентус").

Германиялик мутахассиснинг "қизиллар" сафидаги икки ўйинлик қарама-қаршиликлардаги мағлубиятсиз серияси ҳам ўз якунига етди.

2017/18 йилги мавсумдан бери дарвозабон хатоси туфайли энг кўп гол ўтказган жамоа "Ливерпуль" ҳисобланади. (1х - Адриан, 3х - Кариус).

Мерсисайдликлар сўнгги бор 2006-йили ("Бенфика") 1/8 финалда EЧЛни тарк этишган эди. Ўшанда ҳам клуб мусобақанинг амалдаги ғолиби эди.

"Ливерпуль" тарихда иккинчи бор еврокубокларда, ўз майдонида камида 2 гол уриб, мағлуб бўлди. Бунга қадар фақат 2012-йилда Европа Лигасида "Удинезе" “Энфилд”да 3:2 ҳисобида ғалаба қозонган эди.

Роберто Фирмино "Энфилд"да давом этган 20 ўйинли голсиз сериясига барҳам берди. Охирги марта у уй учрашувида 337 кун олдин гол урганди.

"Ливерпуль" сўнги бор 2008-йилда EЧЛда экстра-таймларда иштирок этган эди. Ўшанда ҳам жамоа 2:3 ҳисобида енгилганди ("Челси" - 2:3).

Маркос Льоренте захирадан майдонга тушиб дубл қайд этган "Атлетико"нинг иккинчи футболчисига айланди. Илк бор EЧЛда бу ишни 2009-йили Серхио Агуеро уддалай олган эди.

Ҳасан Турдалиев.