«Манчестер Юнайтед» ярим ҳимоячиси Поль Погба коронавирус билан боғлиқ вазиятга ўз муносабатини билдирди.
Инфекция тарқалмаслиги учун франциялик футболчи ўзининг голни нишонлаш услуби — "дэб" қилишни маслаҳат берди.
«Коронавирусни мағлуб этиш учун "дэб" қил», – дея ёзди Погба твиттер орқали.
Погба ушбу матнга сурат илова қилди. Расмда эса қуйидаги сўзлар ёзилган:
«Йўталганингда "дэб" қил. Аксирганингда "дэб" қил. Коронавирусни мағлуб этиш учун "дэб" қил».
Бутунжаҳон соғлиқни сақлаш ташкилоти инсон йўталганида ва аксирганида қўлни буккан ҳолда оғиз ва бурунни ёпишни маслаҳат берган. Ушбу маслаҳат Погбанинг "дэб" ҳолатига ўхшаб кетади.
