Европада коронавирус пандемияси кенг тарқалиб бораётганига қарамай, Испания Ла лигаси раҳбарияти 2019/2020 йилги мавсумни муваффақиятли якунлай олишига ишонмоқда.
Инфекция билан боғлиқ вазият бироз юмшагач, чемпионат ўйинлари давом эттирилиши режалаштирилмоқда, ҳаттоки мухлислар стадионларга киритилмаса ҳам.
Ла лиганинг бундай қатъий қарорга келаётгани катта миқдордаги молиявий йўқотишлар билан боғлиқ. Агар чемпионат охирига етказилмаса, испан клублари умумий миқдорда 678,4 млн евро миқдорида зарар кўради. Агар мавсумнинг қолган қисми томошабинларсиз ўтказилса, Ла лига клублари 117 млн евро, Сегунда жамоалари эса 12,5 млн. евро зарар кўришади.