Мюнхеннинг «Бавария» клуби ярим ҳимоячиси Тьяго Алькантара Германия ҳукумати нима учун коронавирус ҳақида қарор қабул қилмаётганини тушунмаётганини айтиб ўтди.
«Германия ҳукумати бизни ўлимга мажбур қилмоқда. Коронавирус – ўлимга олиб борувчи касаллик, бу касаллик билан бир нечта профессионал футболчилар касалланди. Ругани, Габбьядини, Артета ва Хадсон-Одоилар жабр чекишмоқда. Бу касаллик занжир бўлиб бутун дунёдаги футболчиларга юқиши мумкин.
Нима учун дам олиш кунлари ўйинларни ўтказилишини тушунмаяпман. Мақсад нима? Барибир мухлислар йўқ. Бу учрашувдан ҳеч ким ҳеч нарса топмайди», — деди Тьяго Алькантара.
«Бавария» дам олиш куни «Унион» клубига қарши баҳс олиб боради.