"Барселона" ва "Реал" "Бавария" ҳимоячиси Давид Алаба билан қизиқмоқда, дея хабар беради Bild нашри.
Манбага кўра, иккала испан клуби ҳам 27 ёшли австриялик футболчи билан боғлиқ вазиятни кузатиб боришмоқда.
Футболчининг Мюнхен жамоаси билан шартномаси 2021 йил ёзида якунига этади.
Хабар қилинишича, "Бавария" футболчига янги шартнома таклиф қилмоқчи, бироқ футболчи шартномани узайтиришдан бош тортса, клуб уни бепул қўйиб юбормаслик учун сотиб юбориши мумкин.
Маълумот учун, 2019/20 йилги мавсумда Алаба "Бавария" сафида 28 учрашувда майдонга тушиб 1 та гол ва 2 та голлик узатма амалга оширди.
