"Ливерпуль" матбуот хизмати мухлислар томонидан жамоанинг феврал ойидаги энг яхши ўйинчиси учун овоз бериш натижаларини эълон қилди.
Сўров натижаларига кўра, ўнг қанот ҳимоячиси Трент Александр-Арнольд ушбу мукофотга сазовор бўлди, у ўтган ой барча мусобақаларда олтита учрашув ўтказиб, 2 та ассистентлик амалга оширган.
Эслатиб ўтамиз, "Ливерпуль" 29-турдан сўнг 82 очко билан АПЛ жадвалининг пешқадами бўлиб турибди.