Кириш Регистрация
03/04 19:00 Белшина 0-1 Городея
03/04 21:00 Динамо Минск 2-0 Неман
04/04 17:30 Шахтёр-Солигорск 0-0 Неман
04/04 19:30 БАТЭ 1-0 Рух
04/04 21:30 Динамо-Брест - Славия
05/04 16:00 Энергетик-БГУ - Минск
05/04 18:00 Витебск - Смолевичи
05/04 20:00 Ислочь - Слуцк

Хабарлар

Терма жамоаларимиз Токио-2020 Олимпия ва Паралимпия ўйинларига тайёргарликни давом эттиришмоқда

Баҳо:
+ | -
Бўлим: СПОРТ

Маълумки, бугунги кунда бутун дунё коронавирус билан курашмоқда. Ушбу хавфли вируснинг тарқалиши туфайли кўплаб глобал воқеалар ва тадбирлар бекор қилинмоқда ёки қолдирилди. Шубҳасиз, спорт соҳаси ва у билан боғлиқ барча нарсалар ҳам мазкур эпидемия сабаб хавф остида қолган эди. Хусусан, бу йил 4 йилликнинг асосий спорт тадбири бўлмиш Олимпия ўйинлари Токио шаҳрида ўтказилиши режалаштирилган. Бироқ коронавирус ёхуд олимлар томонидан “пандемия” деб номланган хавфли вирус мусобақанинг ўтказилишига таъсир қилмоқда. Халқаро Олимпия қўмитаси Олимпиадани бекор қилиш ёки кечиктириш бўйича муҳокамаларга нуқта қўйиб, мусобақанинг ўз вақтида ўтиши бўйича расмий баёнот берди. Шунингдек, ХОҚ барча атлетларни Олимпия ўйинларига тайёрланишга чақирмоқда.

Ўзбекистон ҳукумати томонидан Республика аҳолисини, шунингдек, спортчиларни эпидемиядан сақлаш бўйича зарур чора-тадбирлар кўрилмоқда. ХОҚнинг жорийнинг йил 12 март куни берган тавсиясига кўра атлетларни Олимпия ўйинларига тайёрлаш давом этади. Шу билан бирга, терма жамоа аъзоларининг халқаро спорт мусобақалари ва хорижий ўқув-машғулот йиғинларидаги иштироки, мусобақалар ва бошқа спорт тадбирларидаги иштироки вақтинча тўхтатилди.

Юқоридаги вазиятдан келиб чиққан ҳолда спортчиларимизнинг тайёргарлигини максимал даражада кучайтириш мақсадида йиғинлар юртимиз ҳудудида жойлашган спорт базаларида давом этмоқда.

Ҳозирги кунда академик эшкак эшиш, бўйича терма жамоамиз Туябўғиз сув омборида тайёргарлик олиб бормоқда. Эртадан мазкур сув ҳавзасида байдарка ва каноэчиларимиз ҳам янги машғулотларга киришадилар.

Дзюдо, таэквондо, пара-таэквондо каби терма жамоаларимиз тоғли ҳудудларда йиғин бошлаган бўлса, спорт ва бадиий гимнастикачиларимиз пойтахтимиздаги базасида ўқув-машғулот йиғинини ўтказишмоқда. Таъкидлаш жоиз, барча машғулот майдонлари хавфсиз зонада олиб борилади. Ҳар бир спортчи федерация раҳбарлари ва тиббий ходимларнинг қатъий назоратида бўлиб, кунига 3 маҳал қатъий белгиланган текширувда бўлишади. Шунингдек, барча спорт иншоотлари зарур дезинфекцияловчи воситалар билан таъминланган. Спортчиларга гигиена бўйича барча маълумотлар тақдим қилинган. Шуни алоҳида таъкидлаш керакки, барча машғулотлар карантин режимида ўтказилади. Бегона одамларга кириш ман этилиб, барча зарур профилактика чоралари кўрилади.

Манба: olympic.uz
Киритилди: 23:59, 19.03.2020.
Ўқилди: 894 марта.
Фикрлар: 0 та.

Бўлимга тегишли қизиқарли хабарлар

ЭНГ КЎП ЎҚИЛГАН ЯНГИЛИКЛАР

Асосий сахифа
© STADION.UZ
Гувоҳнома №0917. Берилган санаси: 02.12.2013. Муассис: «OSIYO KABEL» МЧЖ. Бош муҳаррир: Бўронов Олимхўжа Азимхўжа ўғли. Таҳририят манзили: 100057, Тошкент шаҳри, Уста Ширин 125. E-mail: admin@stadion.uz
Барча ҳуқуқлар ҳимояланган. Сайт материалларидан тўлиқ ёки қисман фойдаланилганда веб-сайт манзили кўрсатилиши шарт.
Блогдаги материаллар учун блог эгаси, хабарлар остидаги фикрлар учун фойдаланувчининг ўзи жавобгар.