Англиянинг "Манчестер Сити" клуби футболчиси Александр Зинченко коронавирус сабабли тўхтатиб қўйилган Премьер-лига ҳақида фикр билдирди.
«Ҳозирча ҳеч ким чемпионатни қачон давом эттириш вақтини аниқ айта олмайди. Англияда коронавирус билан боғлиқ муаммога жуда секин муносабатда бўлишади. Улар тўлиқ карантин ҳолатига ўтишни жуда узоқ кутишди. Менинг фикримча, бундай қарорларни сал эртароқ қабул қилиш керак. Бу мамлакатда беш йилдан бери ишлаб келаётган дўстларим коронавируснинг хавфи кучайиб кетганига қарамай, ишга боришлари буюрилган.
Чемпионат ҳақида гапирадиган бўлса, "Ливерпуль"ни қувиб ўтиш учун ҳалиям назарий жиҳатдан имкониятимиз бор. Гарчи бу Англия чемпионати бўлсада, чемпионликни қўлга киритиш учун айтарли имкониятимиз қолмади. Тан олиш керак, "Ливерпуль" турнир жадвалини бошқаришга муносиб ўйин намойиш этди.
Европа чемпионатини кейинги йилга кўчирилган ёқимсиз бўлди. Барчамиз ушбу чемпионатни интиқлик билан кутаётган эдик, аммо соғлиқ биз учун биринчи ўринда турадиган бойлик», — деди Александр Зинченко.
