Футбол бўйича Россия терма жамоаси врачи Эдуард Безуглов коронавирус билан боғлиқ вазият қачонгача давом этишини тахмин қилди.
"Терма жамоа футболчилари менга қўнғироқ қилиб, бу ҳақда сўрашяпти. Коронавирус билан боғлиқ вазият май ойи охири — июнь ойи бошигача давом этади. Июль ойига келиб эса ҳаммаси жойига тушади, деб ўйлайман. Ўшанда карантинлар бекор қилинади", - деди Безуглов.
Маълумот ўрнида. Жаҳонда коронавирусга чалинганлар сони 380 мингдан ошди. Улардан 16,5 мингдан ортиғи вафот этди. Ушбу пандемия туфайли жаҳоннинг кўплаб миллий чемпионатлари ва халқаро мусобақалар тўхтатилди.