Англиянинг «Лестер» клуби бош мураббийи Брендан Роджерс ҳозир чемпионатни қачондан давом эттириш кераклиги ҳақида гапирадиган пайт эмаслигини айтиб ўтди.
«Мен мунтазам равишда ўз футболчилар билан гаплашиб турибман. Уларда ҳаммаси ўз жойида эканлигини билиш мен учун муҳим. Айни пайтда бутун дунё оддий бўлмаган ҳаётни бошдан кечирмоқда. Ҳар бир инсон руҳий ноқулайликни бошдан кечирмоқда, 24 соат мобайнида уйда ўтиришга мажбур бўлмоқда. Аммо, ўз навбатида клуб ўз футболчиларига қўлдан келганича ёрдам беришга ҳаракат қилади. Ўйлашимча, буни йигитлар сезишмоқда.
АПЛни тиклаш ҳақида гапирадиган пайтда эмасмиз. Айни пайтда бизнинг вазифамиз инсонларнинг соғлиғи ҳақида ўйлаш. Қачонки коронавирус устидан ғалаба қозонсак, шундан кейингина футболга қайтамиз», — деди Брендан Роджерс.