Жабрланганлар Италия футбол раҳбариятига мурожаат қилишди.
А Сериянинг бир қатор клублари ўз футболчиларига феврал ойи учун маош тўламаган. Бу ҳақда La Repubblica хабар тарқатди.
Манбанинг ёзишича, "Женоа", "Сампдория", "Наполи" ва "Торино" клублари футболчилари маошларини олишолмаяпти.
Ушбу вазият юзасидан тўрт клуб футболчилари Италия Футбол Федерациясига мурожаат қилишди.
Эслатиб ўтамиз, Италия коронавируснинг тарқалиши борасида Европанинг марказига айланди. Ушбу панидемия туфайли миллий биринчилик ўйинлари номаълум муддатга қолдирилди.
Аввалроқ, "Ювентус" коронавирус сабабли, ўз футболчиларининг маошларини кескин камайтирганлиги ҳақида расмий хабар берганди.
