Испаниянинг "Сельта" клуби ҳужумчиси Пионе Систо Испаниядан Данияга қайтиш учун бир суткалик вақтини йўқотиш билан бир қаторда, карантин қоидаларини ҳам бузди. Бу ҳақда Marca нашри хабар бермоқда.

Систо Испанияда эди, бироқ, қандайдир вақт оралиғида у ўз юртига - Данияга қайтишга қарор қилди, бу ҳақда ҳатто клуб расмийларини ҳам огоҳлантирмади. Гарчи, коронавирус сабабли Европадаги барча авиақатновлар бекор қилинган бўлишига қарамасдан, Систо ўзининг шахсий автомобилида йўлга тушди.

Копенгагенга етиб бориш учун 27 соат талаб этилди, шу вақт мобайнида ҳужумчи 2 800 километр йўл босиб ўтди. Футболчи Данияга етиб боргач, қаерда эканлигини маълум қилди.

"Сельта" клуби етакчилари жамоадошининг бу ишидан хабар топгач, клуб раҳбариятидан Систони кескин жазолашларини талаб қилишмоқда.

Айни пайтда Испанияда коронавирусдан зарарланганларнинг сони 78 минг нафардан зиёдроқ. Уларнинг 6,5 минг нафари ўлиб билан олишмоқда. 14 минг нафар инсон эса даволанишга муваффақ бўлди.