Ispaniyaning "Selta" klubi hujumchisi Pione Sisto Ispaniyadan Daniyaga qaytish uchun bir sutkalik vaqtini yo‘qotish bilan bir qatorda, karantin qoidalarini ham buzdi. Bu haqda Marca nashri xabar bermoqda.
Sisto Ispaniyada edi, biroq, qandaydir vaqt oralig‘ida u o‘z yurtiga - Daniyaga qaytishga qaror qildi, bu haqda hatto klub rasmiylarini ham ogohlantirmadi. Garchi, koronavirus sababli Yevropadagi barcha aviaqatnovlar bekor qilingan bo‘lishiga qaramasdan, Sisto o‘zining shaxsiy avtomobilida yo‘lga tushdi.
Kopengagenga yetib borish uchun 27 soat talab etildi, shu vaqt mobaynida hujumchi 2 800 kilometr yo‘l bosib o‘tdi. Futbolchi Daniyaga yetib borgach, qayerda ekanligini ma’lum qildi.
"Selta" klubi yetakchilari jamoadoshining bu ishidan xabar topgach, klub rahbariyatidan Sistoni keskin jazolashlarini talab qilishmoqda.
Ayni paytda Ispaniyada koronavirusdan zararlanganlarning soni 78 ming nafardan ziyodroq. Ularning 6,5 ming nafari o‘lib bilan olishmoqda. 14 ming nafar inson esa davolanishga muvaffaq bo‘ldi.
