Мюнхеннинг "Бавария" клуби "Барселона" клубининг асосий дарвозабони Андер тер Штегенни қўлга киритишдан умидини узмаяпти.
27 ёшли германиялик дарвозабон "Барселона" билан янги шартнома борасидаги музокараларни тўхтатиб қўйди ва бу вазиятдан «Бавария» клуби фойдаланиб қолмоқчи.
Diario Sport порталининг тарқатган маълумотига қараганда, «Бавария» «Барселона»га тер Штеген учун 80 миллион фунт таклиф қилишга тайёр.
Шу тариқа, агар ушбу битим амалга ошадиган бўлса, у ҳолда тер Штеген дунёнинг энг қиммат дарвозабонига айланади.
Ҳозирги кунда "Челси" клуби дарвозабони Кепа ушбу рўйхатни бошқариб турибди. Унинг трансфери учун «Челси» 72 миллион фунтни «Атлетик» клуби ҳисоб рақамига ўтказиб берганди.
