«Челси» футболчилари Хаби Алонсони бош мураббий лавозимига тайинлаш ғоясини қўллаб-қувватламоқда.

The Guardian нашри маълумотига кўра, Лондон клуби ва мутахассис вакиллари ўртасидаги музокаралар ижобий руҳда давом этмоқда.

Жамоа аъзолари собиқ «Реал» ва «Байер» мураббийини клубни яна ғалабали йўлга қайтариш учун энг муносиб номзод деб ҳисобламоқда.

Манбага кўра, «Челси» футболчилари янги бош мураббий кийиниш хонасида сўзсиз обрўга эга бўлиши керак, деб ҳисоблайди.

Томонлар ўртасида ҳозирча расмий келишувга эришилмаган бўлса-да, испаниялик мутахассис «Челси» директорлар кенгашининг қисқа рўйхатида биринчи ўринда турибди. Ушбу рўйхатдан Андони Ираола, Марку Силва ва Оливер Гласнер ҳам жой олган.

Таъкидланишича, Англия Кубоги финалидан кейин тайинлов жараёни тезлашиши мумкин.