Англиянинг "Манчестер Сити" клуби раҳбарияти агар жамоани бош мураббий тарк этадиган бўлса, унинг ўрнига бошқа мутахассис топиб қўйди.
The Athletic портали тарқатган маълумотга қараганда, "Манчестер Сити"ни Хосеп Гвардиола тарк этадиган бўлса, унинг ўрнини Франциянинг "Ницца" клуби бош мураббийи Патрик Виейра эгаллайди.
Манбанинг берган маълумотига қараганда, Виейра "шаҳарликлар"ни бошқариши мумкин бўлган номзодлар орасида етакчилик қилмоқда.
Аввалроқ, Гвардиолага Туриннинг "Ювентус" клуби қизиқиш билдираётгани ҳақида маълумотлар тарқалганди. Лекин, испаниялик мутахассис "шаҳарликлар" билан 2021 йилгача тузилган шартномаси ўз якунига етгунгача қадар ишлаш ниятида.
