Италиянинг "Милан" клуби марказий ҳимоячиси Матео Мусаккио кейинги мавсумда «Милан» таркибида ўйнамайди дея хабар бермоқда MilanNews.
Мусаккионинг амалдаги шартномаси 2021 йилнинг ёзигача мўлжалланган. Аргентина терма жамоасининг собиқ футболчиси билан «россонерлар» раҳбарияти шартномани узайтиришни режалаштирмаяпти, чунки, раҳбарияти келаётган ёзда уни сотиб юбориш ниятида.
Марказий ҳимоячига Испаниянинг «Вильярреал», «Валенсия», шунингдек, Англиянинг «Вест Хэм» ва «Ньюкасл» клублари қизиқиш билдиришмоқда.
29 ёшли Мусаккио «Милан» клубига 2017 йилнинг ёзида «Вильярреал» клубидан 18 миллион евро эвазига кўчиб ўтганди.
