"Бавария", "Боруссия" Дортмунд, "Лейпциг" ва "Байер" клублари коронавирус вақтида биринчи ва иккинчи лига клубларини қўллаш учун 20 миллион ажратишгани ҳақида ўқиган бўлсангиз керак.
Шу каби хабарларни ўқисам, иккинчи жаҳон урушида ишғол этилган мамлакат нима учун шу даражага чиққани-ю, урушда ғолиб бўлган улуғ бир мамлакат футбол клубларини ҳали ҳам давлат ёки давлат ҳисобига бойиб олган одамлар молиялаштираётганини тушунгандек бўламан.
Мамлакат футболининг қуйи поғоналарисиз юқори қатлам ривожлана олмайди, буни немислар тушунади. Футбол соғлом бўлиши учун, нафақат унинг боши, балки оёқлари ҳам ишлаши керак. Бизда эса шунинг акси, кўпроқ бошни ривожлантириш ҳақида ўйлаймиз ва бошқа органлар ҳақида унутамиз.