Испания Ла лигаси коронавирусга қарши кураш учун хайрия концерти доирасида миллион евродан кўпроқ пул йиғди.

28 март, шанба куни мусиқашунослар ва футболчилар уйда туриб фестивалда иштирок этишди. Интернетнинг турли платформалари орқали уни дунёнинг 182 мамлакатида 50 миллиондан ортиқ киши томоша қилди.

Шунингдек, ушбу акцияда Santander Bank, Universal Music Group ва GTS компаниялари иштирок этишди. Бутун дунёдан одамлар ушбу тадбир учун 1,003 млн евро миқдорида хайрия қилишди.

Тушган маблағ Santander Bank жамғармаси орқали COVID-19га қарши кураш учун керакли воситалар харид қилишга йўналтирилади, жумладан:

– 115та нафас бериш ускунаси;

– 1,435 млн дона ниқоблар;

– 12 595 дона ҳимоя костюмлари;

– 500 000 тиббий қўлқоплар.

Тўрт соат давом этган фестивалда Серхио Рамос («Реал»), Жерар Пике («Барселона»), Коке («Атлетико») ва Хоакин («Бетис») каби футболчилар иштирок этишди. Бундан ташқари, теннисчи Рафаэль Надаль ва сузувчи Мирея Бельмонте қатнашишди.