Мадриднинг "Реал" клубининг ёшлар жамоаси аъзоси Сезар Гелабертга Дортмунднинг «Боруссия» ва Лондоннинг «Арсенал» клублари жиддий қизиқиш билдиришмоқда.
AS нашрининг тарқатган маълумотига қараганда, "Реал" клуби ўзининг 19 ёшли футболчиси учун таклифларни кўриб чиқишга ва музокара ўтказишга қарши эмас.
Эътиборли томони шундаки, аввалроқ Франциянинг "Лион" клуби раҳбарияти ўз сафига Гелабертни қўшиб олиш учун "Реал" клубига таклиф юборган, лекин "Қироллик клуби" раҳбарияти бу таклифга рад жавоб берганди.
Сезар Гелабертнинг "Реал" клуби билан тузган шартномаси якунига етишига бир йилдан сал ортиқроқ вақт қолди. У жорий мавсумда «Кастилья»да 13 та ўйин ўтказишга ва битта гол киритишга улгурди.
