Лондоннинг "Челси" клуби бош мураббийи Франк Лэмпард «Дерби Каунти» клубидаги бир йиллик фаолиятидан сўнг, «Челси» клуби бош мураббийига таклиф кутмаганини ҳақида гапириб берди.
«Тўғрисини айтсам, Чемпионшипдаги бир йиллик фаолиятимдан кейин мени "Челси" клуби бош мураббийлигига таклиф этишларини кутмаган эдим. Шу ёшимда "Челси" бош мураббийи бўлишга қодирманми деган саволни ўзимга ўзим бера бошладим. Ортимда "кўклар" сафида футболчи бўлган узун тарихим турибди, лекин бу фаолиятим мураббийлигимга умуман алоқаси йўқ. Мен бу таклифни қабул қилишдан қўрқмадим, бори шу.
«Челси» клуби бош мураббийи сифатидаги мақсадим оддий – бу ерда имкон қадар муваффақиятга эришишни хоҳлайман. Агар мен бу мақсадга эриша олмасам, бу ердаги 13 йиллик фаолиятимга таъсир қилмайди деган умиддаман», — деди Франк Лэмпард.
