Криштиану Роналду ва Роналдо турли даврларга мансуб футболчилар, гарчи бразилиялик атиги 8 ёш катта бўлса-да. Энди Роналдо "Валядолид"га раҳбарлик қилади, Криштиану эса "Ювентус"да ўйнамоқда. Расмий ўйинларда улар ҳеч қачон бир-бирига қарши ўйнашмаган.
Қаранг: 2002-2003 йилларда Криш "Спортинг"да, "сўйлоқ" эса "Реал"да порлади. Кейин Роналду "МЮ"га, 2009 йилда "Реал"га ўтди, аммо бразилиялик аллақачон "Милан"га (2007 йилда) ўтиб кетганди. 4 йилдан сўнг у Бразилиядаги фаолиятини якунлади.
Бу вақтда Португалия ва Бразилия ўртоқлик учрашувларида икки марта тўқнаш келишган. 2007 йилда Португалия Лондонда 2:0 ҳисобида ғалаба қозонди, Криштиану сафда эди, аммо Роналдо йўқ.
Аммо, барибир, Роналду Роналдога қарши ўйин ўтказди – 2005 йилда Луиш Фигу томонидан ташкил этилган хайрия ўйини. Ўйин Алгарве шаҳрида 25 минг томошабин қаршисида бўлиб ўтди, майдонга машҳурлар тушди: бразилиялик Роналду Фигу томонида, ёш Криш эса рақиб.
Роналду ярим соат ажойиб финтлар кўрсатди, шундан сўнг у алмаштирилди.
Айтганча, бу ўйин одатий ўртоқлик ўйинларидан фарқли равишда бир томоннинг ғалабаси билан тугади. Майдонда ўша ўйинда Роналдо, Роналду, Фигу, Роберто Карлос, Алан Смит, Лукас Радебе ва ҳатто Абел Шавьер ҳам бор эди. Ва Фигу жамоасига Бобби Робсон мураббийлик қилганди.
Кейинчалик Роналдо ва Роналду учрашишди, ўшанда бразилиялик афсона "Реал"нинг элчиси бўлган, Криштиану ҳали "Ювентус"га кўчиб ўтмаганди.
“Биз бир-биримиздан фарқ қиламиз. Аммо истагимиз бир хил – кўпроқ голлар уриш, – деганди Роналдо. – Криштианунинг 33 ёшгача ушбу формада ўйнаганлиги тасодиф эмас».
