Ла Лига президенти Хавьер Тебас "Интер" клубининг собиқ президенти Массимо Мораттининг миланликлар келажакда "Барселона" ҳужумчиси Лео Мессини қўлга киритиши мумкинлиги ҳақидаги фикрларига ўз муносабатини билдирди.
- Менимча, Мессининг ўтиши А Серияда юзага келган катта қарзлар ва етарли бўлмаган даромадлар билан боғлиқ бўлган муаммони ҳал қила олмайди. А Серияда қийин иқтисодий вазият мавжуд ва муаммоларни Мессининг ёрдами билан ҳал қилиб бўлмайди. Мен Мессининг Ла Лигада қолишини хоҳлайман, бироқ, агар у кетадиган бўлса, ҳаёт тугаб қолмайди. Кўпчилик Криштиану Роналдусиз Ла Лига катта пул йўқотишини айтган эди, лекин бизнинг телевизион ҳуқуқларни сотишдан тушган даромадимиз ҳатто Португалияда ҳам ошди. Буюк футболчилар ёрдам беради, аммо улар чемпионат учун муҳим эмас, — Тебаснинг сўзларидан иқтибос келтирмоқда ESPN.
