“Рух” ҳавбеки Ярослав Мартинюк қайси чемпионатда ўйнашни ва қайси мамлакатда яшашни хоҳлашини айтди.

“Аниқ Ўзбекистонга бормас эдим. Бу фаолиятимдаги энг қийин давр бўлганди. Мен у ерда ярим йил бўлдим. Ўзбекистонда даҳшатли иқлим шароитлари мавжуд. Бундан ташқари, мен заводлар кўп, чанг шаҳарга борганман. Ўша ерларга қанча беришса ҳам, қайта бормасдим.

Кипрда яшаган бўлардим. У ерда 3 йил бўлганман, аммо бегона давлатда яшаш осон эмас. Унинг учун тилни яхши билишингиз керак ва даромадингиз ҳам яхши бўлиши керак. Мен бутун хаётимни Украинада яшаб ўтказмоқчиман”, -дейди футболчи.

Эслатиб ўтамиз, Мартинюк Ўзбекистоннинг “Олмалиқ” (ҳозирги АГМК) клуби шарафини ҳимоя қилган.