Диего Армандо Марадона. Фақат футболчи сифатидаги ўтмиши мақташга арзигулик, ҳаётининг қолган саҳифаларида эса қора чизиқлар кўпроқ бўлган мураккаб шахс. Эътиборингизга ана шу инсоннинг фикрларини тақдим этамиз.

Месси ҳақида

«Ўйиндан олдин йигирма марта ҳожатхонага борадиган футболчини сардор қилишдан мақсад нима?»

«Месси — ажойиб футболчи, аммо ёмон етакчи».

«Месси яхши футболчи, аммо ҳеч ким у энг зўри эмаслигини инкор қила олмайди».

«Месси — зўр футболчи, унинг ҳаётини кўрганимда ҳар куни Месси Аргентинада туғилганига шукр қиламан».

«Келинглар, Месси футбол илоҳи дейишни тўхтатайлик. У Аргентина термасининг оддий футболчиси, холос».

Роналду

«Роналду аргентиналик бўлишини истардим, аммо бизда ундай футболчилар бор, масалан, Габриэль Батистута. Месси ҳам менга кўпроқ ёқади».

«Роналду — ҳақиқий куч. У учта гол ураман, дейди ва учта гол уради».

Бекхэм

«Футболда Бекхэмга ўхшаган юзлаб футболчилар бор».

«Бекхэм доим қиз дўсти билан банд эди, аммо баъзан футболга ҳам вақт ажратиб турарди. Ёмон футбол ўйнамаган».

«Бекхэм — ажойиб одам ва мен ишонаманки, у Англия терма жамоасида 100 та ўйинда майдонга тушади (Бекхэм терма сафида 115 та ўйинда майдонга тушган — сайт). Аммо яхши футболчи, бор-йўғи шу.

Пеле

«Дунёнинг энг яхши футболчиси кимлиги борасида иккиланиш йўқ эди: менми ёки Пеле? Кўпчилик мени танларди».

«Пеле Неймарни Мессидан кучли деди? Йўқ, у шунчаки нотўғри дори ичиб қўйган».

«Пелега айтинг, музейга қайтсин».

«Ёш инсоннинг қандай қарор қабул қилишига таъсир кўрсатади. Пеле охирги 20 йилда ҳеч нарса қилмади. Ҳатто уни супермаркетда ҳам кўрмайсиз. У фақат катта тадбирларда қатнашади ва ФИФА президентининг орқасида юради. У шунчаки қўғирчоқ».

Терма жамоа

«Энг яхши терма жамоа мураббийи ким? Дель Боске».

«Испания терма жамоасини бошқарган Лопетеги ҳатто клубда ишлашга ҳам лойиқ эмас».

«Ҳаммаси Сампаоли учун қилинди: компьютерлар, ассистентлар… Аммо Аргентина терма жамоаси ҳеч нарсага эриша олмади".