"Арсенал" жамоасининг собиқ бош мураббийси Унаи Эмерининг биринчи хотини Саша Райт испаниялик мутахассиснинг баъзи феъл-атворлари ҳақида гапирди.
"У мени "Арсенал"дан ҳайдалишида айблади. У менга жодугар эканлигимни айтди, чунки унга омадсизлик келтирган эмишман. У ажрашганимиздан кейин "Арсенал"даги ишлари ортга кетганини таъкидлади.
Мен унга ишониб, турмуш қурамиз ва бир кун келиб фарзандли бўламиз деб ўйлардим. Мулойим ва ҳақиқий оила учун яратилган деган фикрда эдим. Аммо кейинроқ жиддий муносабатларга тайёр эмаслигини англадим", деди Саша.
