«Шанхай СИПГ» ярим ҳимоячиси Одил Аҳмедов sport24.ru сайтига берган интервьюсида Россиядаги фаолиятини ёдга олди.

— Мен Галицкийни ҳурмат қиламан, у жуда камтар инсон. У билан гаплашсангиз, уни миллиардер инсон ёки футбол клуби хўжайини деб ўйламаймиз. Биринчи учрашувда Галицкий менга "Сиз" деб мурожаат қилган. Шундай даражадаги инсоннинг "Сиз" деб мурожаат қилиши... Жуда ёқимли бўлган эди. Умуман олганда, «Краснодар» Галицкий учун ҳам чемпион бўлиши керак. У бунга муносиб.

Керимовни ҳам Галицкий билан таққослаш мумкин, лекин у футболни у қадар севмас эди. Аммо «Анжи» ва футболчилар учун кўп нарса қилди. Ҳеч қандай муаммо йўқ эди. У билан кўп кўришмасдик, лекин Керимов бир марта мени кечки овқатга таклиф қилган эди. Галицкий эса деярли ҳар куни клуб билан бирга, барчани яхши билади. Футболчилардан тортиб ходимларгача.

— Халк билан Россиядаги фаолиятни эслаб турасизларми?
– Ҳа, у Россияни соғинаётганини айтади. Айниқса, Санкт-Петербург гўзаллигини. Шаҳар унинг қалбига ўтирган. Агар ҳаддан ташқари кеч бўлиб кетмаса, Россия премьер-лигаси ўйинларини томоша қиламан. Ҳар ҳолда Россияда 6 йил ўйнадим.

– Хитойдаги бирорта стадионни Краснодардаги арена билан таққослай оласизми?
– Йўқ. Хитойдаги стадионлар юқори даражада эмас. Ҳеч бир стадион «Краснодар»даги арена билан бир хил даражада эмас.