«Реал» клуби ёзги трансфер пайтида «Ливерпуль» ҳужумчиси Садио Манени сотиб олмоқчи. The Sun тарқатган хабарга кўра, «Қироллик клуб» раҳбарияти 28 ёшли футболчининг агентларини музокаралар столига таклиф қилди.
Тахминларга кўра, мадридликлар сенегаллик футболчи учун «Ливерпуль»га 170 млн евро атрофида пул таклиф қилишмоқчи. Агар ушбу трансфер амалга ошса, мерсисайдликлар «ПСЖ» форварди Килиан Мбаппени қўлга киритишга уриниб кўришади.
Мане ушбу мавсумда «Ливерпуль» сафида барча мусобақалар доирасида 38та ўйинда майдонга тушиб, 18та гол урди ва 12та голга узатма берди. Унинг "қизиллар" билан шартномаси 2023 йилга қадар тузилган.