Англиянинг "Манчестер Юнайтед" клуби ярим ҳимоячиси Поль Погба уни бир неча бор танқид қилган "Ливерпуль" клубининг собиқ бош мураббийи Грэм Сунесснинг сўзларига ўз муносабатини билдирди.
- Мен ҳатто Грэм Сунесс ким эканлигини билмайман. Мен уни яхши футболчи бўлганини эшитганман, бор гап шу. Мен унинг юзини кўрмаганман, аммо исмини эшитганман. Аввал ҳам айтганман, мен тез-тез спекулятцияларни тинглайдиган одам эмасман. Мен жуда кўплаб футболчи учрашувларини томоша қиламан, лекин муҳокама қилмайман. Мен диққатимни футболга қаратишни яхши кўраман, – деди Погба UTD Podcastга билдирган муносабатида.
Эслатиб ўтамиз, Сунесс - "Ливерпуль" таркибида Англиянинг беш карра чемпиони, уч карра Европа Чемпионлари Кубоги соҳиби. Сунесс мураббий сифатида "Ливерпуль" билан Англия Кубогида ғолиб чиққан.
