Angliyaning "Manchester Yunayted" klubi yarim himoyachisi Pol Pogba uni bir necha bor tanqid qilgan "Liverpul" klubining sobiq bosh murabbiyi Grem Sunessning so‘zlariga o‘z munosabatini bildirdi.

- Men hatto Grem Suness kim ekanligini bilmayman. Men uni yaxshi futbolchi bo‘lganini eshitganman, bor gap shu. Men uning yuzini ko‘rmaganman, ammo ismini eshitganman. Avval ham aytganman, men tez-tez spekulyatsiyalarni tinglaydigan odam emasman. Men juda ko‘plab futbolchi uchrashuvlarini tomosha qilaman, lekin muhokama qilmayman. Men diqqatimni futbolga qaratishni yaxshi ko‘raman, – dedi Pogba UTD Podcastga bildirgan munosabatida.

Eslatib o‘tamiz, Suness - "Liverpul" tarkibida Angliyaning besh karra chempioni, uch karra Yevropa Chempionlari Kubogi sohibi. Suness murabbiy sifatida "Liverpul" bilan Angliya Kubogida g‘olib chiqqan.