Туркия терма жамоаси ва Каталониянинг "Барселона" клуби собиқ дарвозабони Рюшту Речбер AS нашрига COVID-19 устидан эришган ғалабаси ҳақида сўзлаб берди.

- "Барселона" коронавирусдан азият чекаётганимда ва ундан кейин менга катта ёрдам кўрсатди. Клуб президентининг ва клубдагиларнинг яхши тилаклари менга етказилди. Бундай пайтларда кичик деталларни ҳам унутмаслик керак. Коронавирусга қарши кураш олиб бораётганимда "Барселона" мен учун қилган яхшиликларини унутмайман. Улар менга ҳаётни қайтариб беришди. Мен ҳар доим "Барселона" ихтиёрида эканлигимни билишингизни хоҳлайман. Барчага, айниқса, жаноб Бартомеуга чексиз миннатдорчилигимни билдирмоқчиман,-деди Речбер.