Каталониянинг «Барселона» клуби бош мураббийи Кике Сетьен мавсумни якунлаш учун бирор чора кўриш кераклигини айтиб ўтди.

Коронавирус сабабли Европа ички биринчиликларида танаффус юзага келган. УЕФА барча миллий чемпионатларни қайта тикламоқчи, аммо, қачон ва қандай қилиб. Бундан ташқари, турнир жадвалидаги юзага келган ҳозирги вазиятдан келиб чиққан ҳолда, чемпион ва қуйи лигага тушиб кетадиган жамаларни аниқлаш варианти ҳам йўқ эмас.

«Мен мавсумни охиригача ўтказишни ва «Барселона» чемпионлик учун 100 фоиз тайёр эканлигини исботлаш ниятидаман. Айни пайтда 1-ўринда эканлигимизни тушунаман, аммо, турнир жадвалини ҳозирги кўринишида якунлаб қўйиш манипуляцияга олиб келиши аниқ. Айримлар биз биринчи ўринни йўқотиб қўйишимиз мумкинлигини, чунки олдимизда кучли жамоаларга қарши ўйинлар турганлигини рўкач қиладилар. Мен бундай бўлишини хоҳламайман. Агар мавсум ҳозироқ якунланадиган бўлса, мен ўзимни чемпион деб ҳис қилмайман», — деди Сетьен.