Нидерландиянинг «Аякс» клуби футболчиси Донни Ван Де Беек келаётган ёзда Европанинг кучли клубларидан бирига ўтишига шубҳа қилмаяпти.
Де Беек қишки мавсумдаёқ Европанинг топ клубларига йўл олиши мумкин эди. Унга Мадриднинг «Реал» ва Англиянинг «Манчестер Юнайтед» клублари жиддий қизиқиш билдирганди.
22 ёшли футболчининг агенти ўз мижози таклиф кутаётганини тан олди.
«Жаҳондаги молиявий инқирозга қарамасдан, Доннининг нархи пасаймаганига ишонаман. Де Беек таклифларни кутмоқда. Ҳозирча бирор бир клуб қандайдир битимни амалга оширишга шошилмаяпти, чунки, келажакда нималар рўй беришини биров билмаяпти», — деди Донни Ван де Беекнинг агенти.
