Niderlandiyaning «Ayaks» klubi futbolchisi Donni Van De Beek kelayotgan yozda Yevropaning kuchli klublaridan biriga o‘tishiga shubha qilmayapti.
De Beek qishki mavsumdayoq Yevropaning top klublariga yo‘l olishi mumkin edi. Unga Madridning «Real» va Angliyaning «Manchester Yunayted» klublari jiddiy qiziqish bildirgandi.
22 yoshli futbolchining agenti o‘z mijozi taklif kutayotganini tan oldi.
«Jahondagi moliyaviy inqirozga qaramasdan, Donnining narxi pasaymaganiga ishonaman. De Beek takliflarni kutmoqda. Hozircha biror bir klub qandaydir bitimni amalga oshirishga shoshilmayapti, chunki, kelajakda nimalar ro‘y berishini birov bilmayapti», — dedi Donni Van de Beekning agenti.
