"Бешиктош"нинг германиялик посбони, илгари "Ливерпуль" шарафини ҳимоя қилган Лорис Кариус 2017/2018 йиллардаги мавсумда ЕЧЛ финалини ёдга олди. Ўшанда Кариус қўпол хатога йўл қўйган, жамоаси эса "Реал"га 1:3 ҳисобида ютқазганди.
"Серхио Рамос билан тўқнашганимдан кейин миям яхшигина чайқалди. Кўриш қобилиятим яхши эмасди. Буни текширувлар ҳам тасдиқлайди. Мен ўзимни оқламоқчи эмасман, аммо ўшанда миямдан жароҳат олганимни тушунишларини хоҳлайман", деди Кариус.
Эслатиб ўтамиз, Кариус вазиятлардан бирида тўпни қўли билан жамоадошига узатмоқчи бўлган, аммо Бензема тўпга оёқ қўйиб, гол уриб кетганди. Кейинчалик Гарет Бэйлнинг иккинчи голида тўпни қайтариш мумкин бўлганида нотўғри ҳаракат қилганди.
