Дортмунднинг "Боруссия" клуби футболчиси Аксель Витсель коронавирусга қарши курашиш учун Льеж шаҳридаги марказий университет касалхонасига 100 минг евро хайрия қилди.

"Юқори сифатли ускуналарда ишлаш кераклигини нақадар муҳим эканлигини тушунаман. Коронавирусга қарши курашаётган кўплаб дўстларимиз бор. Улар бизга ускуналар етишмаётганини, қолаверса, уларнинг сифати пастлигини айтишди. Ўша барча ускуналар беморларга сифатли хизмат кўрсата олмаяпти. Шу сабабли, мен янги ускуналар сотиб олишга қарор қилдик. Ушбу кескин вазиятда футбол бироз ноўрин. Мен бугун ҳақиқатдан ҳам муҳтож бўлган шифокорларга ёрдам бермоқчиман", — деди Витсель.