Ушбу рукнимиздаги энг сўнгги янгиликлар билан таништириб ўтишда давом этамиз.
Дани Себалос “А Серия”да?!
Айни дамда Лондоннинг “Арсенал” жамоасида ижара асосида тўп сураётган Дани Себалос ёзда Италия клубларидан бирига ўтиши мумкин.
“MundoDeportivo” нашри берган хабарларга қараганда, 23 ёшли футболчи билан “Ювентус” клуби жиддий қизиқиб қолган.
Эслатиб ўтамиз, “Реал Мадрид” ва Себалос ўртасидаги шартнома 2023-йилга қадар мўлжалланган бўлиб, “қироллик клуби” Данини сотиб юборишга қарши эмас.
Коутиньони қоладими?
Айни дамда “Бавария” жамоасида тўп сураётган Филеппе Коутиньонинг келажаги борасида “Барселона” Кике Сетьен ўз фикрлари билан ўртоқлашди.
“Коутино мен жамоамда кўришни истаган футболчилардан бири. У айни дамда “Барселона” футболчиси саналади. Шундай экан, уни қўлга киритишни истаган жамоа клуб талаб қилган суммани тўлаши лозим. Мен тез орада клуб билан Коутиньо борасида суҳбат уюштираман. Барчаси тез орада маълум бўлади.”,-деб хабар бермоқда FootballEspana
“Эвертон” биринчи трансферга яқин
Англиянинг “Эвертон” клуби ёзда “Лилл” марказий ҳимоячиси Габриелни ўз сафига қўшиб олишмоқчи.
“The Guardin” нашри берган хабарларга қараганда, 22 ёшли футболчи учун “ирислар” 35 миллион евро тўлашга таййор.
Манба берган хабарларга қараганда, ҳимоячи учун бир нечта клублар қизиқаётган бўлсада, “Эвертон” футболчини қўлга киритиш учун асосий даъвогар бўлиб турибди
Коволенко кетишга яқин
Украинанинг “Шахтёр” клуби футболчиси Виктор Коваленко ёзда жамоасини алмаштириши мумкин.
“Фанатик” нашри берган хабарларга қараганда, ярим ҳимоячини “Бешиктош” ва “Рома” клублари ўз сафига қўшиб олмоқчи.
Манбада ёзилишича, турк клуби футболчи учун Украина клубига 20 миллион евро таклиф қилган, бироқ “кончилар” ўз футболчисини 30 миллиондан камига қўйиб юбормоқчи эмас.
Эслатиб ўтамиз, Коволенко ушбу мавсумда Украина чемпионатининг 13 та учрашувида майдонга тушган ва унинг ҳисобида битта гол мавжуд.
