Франция терма жамоаси собиқ футболчиси Эммануэль Пети "ПСЖ" клуби ҳужумчиси Килиан Мбаппени танқид остига олди.
«Уч йил мобайнида Килианни ажойиб тарзда ўсганига гувоҳ бўлдим. У футбол оламига моҳирлик билан ўймакорликни талаб қиладиган олмос сифатида тақдим этилди. Бу ҳужумчи улкан салоҳиятга эга ҳисобланади. Шунга қарамай, Мбаппе ўз жамоадошлари сингари мени ғазаблантира бошлади.
Биз гоҳида унинг ёшлиги учун кўз юмяпмиз. У ҳайратланарли даражада ишлашда давом этмоқда, аммо, биз барибир ундан кўп нарсаларни талаб қиляпмиз. Мбаппе аллақачон улкан ишларни амалга оширмоқда ва ўзидан кутилаётган "планка"ни фақат юқорига кўтариши кутилмоқда. Ҳужумчининг ўзи "Олтин тўпни" қўлга киритиш мақсадида, ўзини ўзи босим остида қолдирмоқда. У кўпроқ ўзини тутишни билиши керак», — деди Эммануэль Пети.
