El Mundo Deportivo порталининг тарқатган маълумотига қараганда, Испаниянинг "Хетафе" клуби раҳбарияти Испания Қироллик футбол федерацияси жорий мавсум охиригача ўйналмаса, айни пайтдаги турнир жадвалини инобатга олиб клубларни еврокубокларга тақсимлашидан норози бўлмоқда.
Гап шундаки, мадридликлар "Реал Сосьедад" клуби билан бир хил очко жамғариб, тўплар нисбатига кўра 5-ўринни эгаллаб туришибди.
Marca нашрининг берган хабарига кўра, "Валенсия" клуби ҳам бу борада УЕФАга хат йўллашган улгурди. Ўша аризанинг нусхаси Испания Қироллик футбол федерациясига (RFEF) ҳам жўнатилди. "Валенсия" ҳам Ла Лига раҳбариятининг позициясига қўшилди, чунки, Ла Лигадаги ўринларга RFEF эмас, балки, Ла Лига раҳбарияти жавобгар бўлиши керак деган фикрди.
