Англия футбол клублари мавсум-2019/20ни коронавирусга қарамасдан, охиригача ўйнаб қўйишмоқчи.
"Бошқа саноат ва бизнес тузилмалари сингари, АПЛ раҳбарияти ва клублари энг мураккаб воқеалар ривожи сценарийсини ҳисобга олишмоқда. Биз манфаатдор томонлар, шу жумладан, телевизион ҳамкорлар билан фаол иш олиб бормоқдамиз ва бизнинг мақсадимиз - хавфсиз бўлган пайтда чемпионатни қайта тиклашни таъминлашдир.
Бугунги йиғилишда тақвимни режалаштириш варианти муҳокама қилинди. Бизнинг мақсад - мавсум-2019/20ни якунлаш, аммо, бу босқичда барча саналар эҳтимолий ҳисобланади. Чунки, коронавирус ўсишда давом этмоқда", - АПЛ раҳбариятининг сўзларидан иқтибос келтирмоқда BBC.
